کوردستان
![دیمەنی رووداوێکی دیکەی هاتووچۆ کە دوو رۆژ پێشتر لە ئەرزینگان روویدا و بووە هۆی گیانلەدەستدانی دوو کەس، وێنە: AA دیمەنی رووداوێکی دیکەی هاتووچۆ کە دوو رۆژ پێشتر لە ئەرزینگان روویدا و بووە هۆی گیانلەدەستدانی دوو کەس، وێنە: AA](https://www.rudaw.net/s3/rudaw.net/ContentFiles/817858Image1.jpg?mode=crop&quality=70&rand=1&scale=both&w=752&h=472&version=6867478)
دیمەنی رووداوێکی دیکەی هاتووچۆ کە دوو رۆژ پێشتر لە ئەرزینگان روویدا و بووە هۆی گیانلەدەستدانی دوو کەس، وێنە: AA
رووداو دیجیتاڵ
لە پارێزگای ئەرزینگانی باکووری کوردستان، لە رووداوێکی هاتووچۆدا چوار کەس گیانیان لەدەستدا و دوو کەسی دیکە برینداربوون.
پاشنیوەڕۆی ئەمڕۆ (شەممە، 24ـی ئابی 2024) ئۆتۆمبێلێک لەسەر رێگەی سەرەکیی سێواس – ئەرزینگان لە باکووری کوردستان، بەخێراییەکی زۆر خۆی بە بارهەڵگرێکدا کێشا. لە ئەنجامدا چوار سەرنشینی ئۆتۆمبێلەکە دەسبەجێ گیانیان لەدەستدا و دوو کەسی دیکەش بەسەختی برینداربوون.
بەڕێوەبەرایەتیی پۆلیسی هاتووچۆی ئەرزینگان رایگەیاند، رووداوەکە لە ئەنجامی تیژڕۆیی ئۆتۆمبێلەکە روویدا، کە لە رێڕەوی خۆی دەرچووە و چووەتە رێڕەوی بەرامبەر و خۆی بە بارهەڵگرێکدا کێشاوە.
بەپێی زانیارییەکان، دوو بریندارەکە تەندروستییان ناجێگیرە و بەخێرایی رەوانەی نەخۆشخانەی فریاکەوتنی شارەکە کران.
بەگوێرەی ئامارەکانی بەڕێوەبەرایەتیی گشتیی هاتووچۆی تورکیا، لە شەش مانگی یەکەمی ئەمساڵدا 344 هەزار و 906 رووداوی هاتووچۆ تۆمارکراون، کە تێیدا هەزار و 533 کەس گیانیان لەدەستداوە و 215 هەزار و 646 کەسی دیکەش بریندار بوون.
ئەمە لەکاتێکدایە؛ پار بەگشتی ملیۆنێک و 314 هەزار و 136 رووداوی هاتووچۆ تۆمارکرابوون. لەو رووداوانەدا 6548 کەس گیانیان لەدەستداوە و 350 هەزار و 855 کەسیش بریندار بوون.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ