تەرمی کۆچبەرێکی خەڵکی کۆیە لە باکووری کوردستانەوە گەڕێندرایەوە ورمێ

 

چەند رۆژ پێش ئێستا، دوو کۆچبەری خەڵکی کۆیە لەگەڵ 15 کۆچبەری ئەفغانستانی و ئێرانی بە رێگەی نایاسایی لە سنووری ورمێ پەڕینەوە باکووری کوردستان و لەوێ لەلایەن هێزەکانی سنووری تورکیاوە دەستبەسەر کران.

 

ئەو کۆچبەرانە دەڵێن، هێزەکانی تورکیا زۆریان لێداون و ئازاریان داون. 

 

لە گرتەیەکی ڤیدیۆییدا یەکێک لە کۆچبەرەکان کە سەروچاوی هەمووی برینە، قسە دەکات و دەڵێت، هێزەکانی تورکیا دەستبەسەریان کردوون و لێیان داون و بەو هۆیەوە محەممەد گیانی لەدەستداوە.

 

محەممەد خەڵکی کۆیە و تەمەنی 32 ساڵ بووە، ئەوە وەک لە گرتە ڤیدیۆکەدا باس دەکرێت.