رووداو دیجیتاڵ
پۆلیسی کۆیە دەڵێت، دوو کەسیان بە تۆمەتی کوشتنی ژنە بەتەمەنەکە دەستگیرکردووە، کە خزمی نزیکی ژنەکەن و لێکۆڵینەوە لەگەڵیاندا بەردەوامە.
موقەدەم رێبوار فەتاح لە بنکەی پۆلیسی باواجی کۆیە، ئەمڕۆ چوارشەممە ئەو زانیارییانەی بە رووداو گوت.
شەوی رابردوو، ژنێکی تەمەن 76 ساڵ لە کۆیە گیانی لەدەستدا و دوای بردنی بۆ دادپزیشکی، دەرکەوت شوێنی چەند برینێک بە جەستەیەوەیەتی. تەندروستیی شارەکە بە رووداوی راگەیاند، "گومان دەکرێت کوژرابێت".
هەمانکات، هاوکار عەلی، گوتەبێژی تەندروستی و کۆیە بۆ تۆڕی میدیایی رووداوی باسکرد، کە ژنەکە ناوی (گەلاوێژ حەمەدەمین فەرەج) بووە و دانیشتووی گەڕەکی جەمعییە بووە لە کۆیە.
گوتەبێژی تەندروستیی کۆیە ئاماژەی بەوەشکرد، بۆ زانینی وردەکاریی زیاتر لەبارەی چۆنێتیی مردنەکەوە، تەرمەکەیان رەوانەی دادپزیشکیی هەولێر کردووە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ