رووداو دیجیتاڵ
بوومەلەرزەیەک بە گوڕی 4.1 پلەی رێختەر لە پارێزگای مەرەشی باکووری کوردستان روویدا.
سه‌رۆكایه‌تیی بەڕێوەبردنی كاره‌سات و باری له‌ناكاوی تورکیا (ئافاد) رایگەیاند، کاژێر 14:59 خولەکی ئەمڕۆ هەینی 23ـی ئابی 2024، بوومەلەرزەیەک بەگوڕی 4.1 پلەی رێختەر لە سنووری شارۆچکەی گۆکسون سەر بە پارێزگای مەرەش روویدا.
بەگوێرەی راگەیێندراوەکەی ئافاد، بوومەلەرزەکە بە قووڵایی 7.05 کم بووە.
دەزگای ئافاد راشیگەیاند، لەدوای بوومەلەرزە بەهێزەکەی رۆژی 6ی شوباتەوە 61 هەزار و 144 بوومەلەرزە و پاشلەرزە روویانداوە کە 14یان 6 پلە و 93یان 5 پلە بوون.
کاژێر 04:17 خولەکی بەرەبەیانی رۆژی 6ی شوباتی 2023 بوومەلەرزەیەک بەگوڕی 7.7 پلەی رێختەر کە چەقەکەی مەرەش بوو 11 پارێزگای تورکیا و باکووری کوردستانی هەژاند.
بەگوێرەی ئامارە فەرمییەکان، 53 هەزار و 500 کەس لە باکووری کوردستان و تورکیا لە ئەنجامی ئەو بوومەلەرزە گیانیان لەدەستدا و 107 هەزار 204 کەسی دیکە برینداربوون.
بوومەلەرزەکە بووە هۆی گیانلەدەستدانی نزیکەی 5 هەزار کەسیش لە رۆژئاوای کوردستان و سووریا و ژمارەیەکی بەرچاو لەوانیش لە هەرێمی عەفرینی رۆژئاوای کوردستان بوون.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ