رووداو دیجیتاڵ
ئەنجوومەنی وەزیرانی هەرێمی کوردستان کۆدەبێتەوە و بەپێی راگەیێندراوێکی فەرمانگەی میدیا و زانیاری؛ گفتوگۆ لەبارەی رەشنووسی پڕۆژە یاسای بودجەی هەرێمی کوردستان بۆ ساڵی 2021 دەکرێت.
ئەمڕۆ چوارشەممە، فەرمانگەی میدیا و زانیاریی حکومەتی هەرێمی کوردستان رایگەیاند، ئەنجوومەنی وەزیرانی هەرێمی کوردستان کۆبوونەوەی هەفتانەی خۆی بە سەرۆکایەتیی مەسرور بارزانی، سەرۆکی حکومەت و ئامادەبوونی قوباد تاڵەبانی، جێگری سەرۆکی حکومەت دەکات.
لەبارەی ئەجێندای کۆبوونەوەکەش، ئاماژەی بەوەکردووە کە گفتوگۆ لەسەر سێ تەوەر دەکرێت:
یه‌كه‌م: بەردەوامیدان بە گفتوگۆکردن لەسەر رەشنووسی پڕۆژە یاسای بودجەی هەرێمی کوردستان بۆ ساڵی 2021.
دووه‌م: خستنەڕووی پوختەی کۆبوونەوەکانی وەزیرانی (دارایی و ئابووری، کاروباری پێشمەرگە و کاروباری شەهیدان و ئەنفالکراوان) و سکرتێری لیژنەی باڵای جێبەجێکردنی یاسای چاکسازی، لە مانگی ئایاری 2021 لەگەڵ لیژنەی دارایی و کاروباری ئابووری و لیژنەی دەسپاکی لە پەرلەمانی کوردستان دەربارەی راپۆرتی دووەمی لیژنەی باڵای جێبەجێکردنی یاسای چاکسازی.
سێیەم: خستنەڕووی راپۆرتێکی شیکاری سەبارەت بە رەشنووسی پڕۆژە یاسای (پەروەردە و فێرکاریی لە هەرێمی کوردستان - عێراق) کە لە (197) ماددە پێکهاتووە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ