لە دیلۆک لە شەڕی نێوان دوو گرووپدا گەنجێک کوژرا

22-09-2023
هەوار ئیسماعیل
A+ A-
رووداو دیجیتاڵ 

لە پارێزگای دیلۆکی باکووری کوردستان شەڕە تەقە لە نێوان دوو گرووپدا روویدا، بەو هۆیەوە گەنجێک کوژرا و کەسێكی دیکەش برینداربوو.
 
رووداوەکە بەرەبەیانی ئەمڕۆ هەینی، 22ـی ئەیلوولی 2023 لە گەڕەکی "گونەش" لە ناوچەی "شاهینبەی" لە ناوەندی شاری دیلۆک روویدا. بە هۆکارێکی نەزانراو دەمەقاڵێ لە نێوان دوو گرووپدا روویدا و دواتر بووە شەڕیان. 
 
لە کاتی شەڕەکەدا کەسێک بە ناوی مستەفا یەتەر، کە تەمەنی 19 ساڵە، لەگەڵ کەسێكی دیکە کە هێشتا ناوەکەی نەزاندراوە، برینداربوون.
 
پۆلیس و تیمە پزیشکییەکان رەوانەی شوێنی رووداوەکە کران و بریندارەکان گوازرانەوە بۆ نەخۆشخانەی فێرکاری "شاهینبەی". 
 
مستەفا یەتەر بەهۆی سەختی برینەکەی لە نەخۆشخانە گیانی لەدەستدا و بریندارەکەی دیکەش لە ژێر چاودێری پزیشکدایە.  
 
ناسنامەی تەقەکەرەکان هێشتا دەستنیشان نەکراوە و لێکۆڵینەوە لە رووداوەکە دەستیپێکردووە. هەوڵەکانی پۆلیس بۆ دەستگیرکردنی تەقەکەرەکان بەردەوامە کە لە دوای رووداوەکە هەڵاتوون. 
 
 

 

 

کۆمێنتەکان

وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه‌

کۆمێنتێک دابنێ

داواکراوە
داواکراوە
 

دوایین هەواڵەکان

دوایین و نوێترین وێنە عەبدوڵڵا ئۆجەلان لە 27-05-2025.

ئۆجەلان بۆ گەنجان: هەنگاونان بەرەو ئازادی بەهادارە

رێبەری زیندانیکراوی پارتی کرێکارانی کوردستان (پەکەکە) پەیامێکی لەبارەی گەنجان بڵاوکردەوە و داوای لێکردن، "لە هەموو شوێنێک بەڕێکخراوەیی بن و هەموو شوێنێک بەڕێکخراوەیی بکەن''.