لە مهاباد بەهۆی هەورەبرووسکەوە هاونیشتمانییەک گیانی لەدەستدا
رووداو دیجیتاڵ
لە شاری مهابادی رۆژهەڵاتی کوردستان، بەهۆی هەورەبرووسکەوە کەسێک گیانی لەدەستدا.
لە گوندی ئۆزنتاشی سەر بە ناحیەی خەلیفانی مهاباد، هاونیشتمانییەک لەکاتی کارکردنی لەنێو زەوییە کشتوکاڵییەکەیدا هەورەبرووسکە لێیدەدات و بەهۆیەوە دەستبەجێ گیانی لەدەستدا.
بەپێی زانیارییەکان، ئەو کەسە ناوی موراد قزلی-یە و تەمەن 33 ساڵە، دانیشتووی گوندی ئۆزنتاشە.
محەممەدئەمین سەبووری، بەڕێوەبەری ناحیەی خەلیفانی مهاباد رایگەیاند، رووداوەکە یەکەم رووداوی مردنە بەهۆی هەورەبرووسکەوە لە ئەم ساڵدا.