رووداو دیجیتاڵ
جێگری زانکۆی زانستیی پزیشکیی کرماشان رایگەیاند، لە دوو مانگی رابردوودا 40 کەس لەو پارێزگایەدا بەهۆی خواردنی قارچکی ژەهراوییەوە نەخۆش کەوتوون و سەردانی نەخۆشخانەیان کردووە.
ئیبراهیم شەکیبا، جێگری سەرۆکی زانکۆی زانستیی پزیشکیی کرماشان بۆ کاروباری تەندروستی رایگەیاند، لە نەورۆزی ئەمساڵەوە 34 کەس بەهۆی خواردنی قارچکی ژەهراوییەوە لە نەخۆشخانە خەوێنراون و شەش کەسی دیکەش دەرمانیان پێدراوە.
ئیبراهیم شەکیبا گوتوویەتی: "جیاکردنەوەی قارچکە خۆراکییەکان لەگەڵ قارچکە ژەهراوییەکان زۆر دژوارە و هەر ئەمەش دەبێتە هۆی ژەهراویبوونی کۆئەندامی هەرس و نەخۆش کەوتنی خەڵک."
سکچوون، رشانەوە، دڵ بە یەکاهاتن و سەرئێشە لە نیشانەکانی خواردنی قارچکی ژەهراوین، ئیبراهیم شەکیبا داوای لە خەڵک کردووە، ئەگەر ئەو نیشانانەیان هەبوو، سەردانی نەخۆشخانە بکەن.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ