گەنجێکی ئاوارەی شنگال لە رووبارێکی قەزای شێخان خنکا

 

 

پیر دەیان پیر جەعفەر، بەڕێوەبەری ناوەندی هاوئاهەنگی و وەڵامدانەوەی قەیرانەکان لە دهۆک بە تۆڕی میدیایی رووداوی راگەیاند، "گەنجەکە لەگەڵ چەند هاوڕێیەکی بۆ سەیران چوونەتە نزیک گوندی زیناوا لە قەزای شێخان و لەکاتی مەلەکردندا لە کاژێر 16:00 خنکاوە."

 

گەنجەکە ناوی باسل عەزیزە و ئاوارەی شنگالە، دانیشتوی کەمپی مام رەشانە لە قەزای شێخان و تەمەنی 19 ساڵە، سبەینێ یەکشەممە 23-04-2023 تەرمەکەی لە شنگال بە خاک دەسپێردرێت.