رووداو دیجیتاڵ
درۆنێکی بۆمبڕێژکراو بە دیواری ماڵی هاونشتمانییەکی ناحیەی دێرەلووکی سەر بە قەزای ئامێدی دەکەوێت، بەڵام جگە لە زیانی مادی، هیچ زیانێکی گیانی لێ نەکەوتوەتەوە.
رووداوەکە ئەمڕۆ شەممە روویداوە. مەحموود نهێلی، دانیشتووی ناحیەی دێرەلووک بە رووداوی گوت، چەند رۆژێکە بەهۆی شەڕی تورکیا و پەکەکە دۆخی سنووی ئامێدی بەتایبەتی گوندەکانی گوهەرزێ، بەرچی و بلاڤە لە بناری چیای مەتین تێکچووە.
هاونیشتمانییەکە گوتیشی، ئێوارەی ئەمرۆ شەممە، درۆنێکی بۆمبڕێژکراو بە دیواری ماڵی هاونشتمانییەک کەوتووە و تاوەکو ئێستا نازانرێت، درۆنەکە لەلایەن سوپای تورکیا ئاراستە کراوە یان پەکەکە.
هاونیشتمانییەکی گوندی نهێلێ لە دێرەلووک ئەم ڤیدیۆیەی بۆ رووداو ناردووە و دەڵێت، درۆنێکی بۆمبڕێژکراو بە دیواری ماڵێک کەوتووە، بەڵام هیچ زیانێکی گیانی نەبووە pic.twitter.com/TsGJicuuAz
— Rudaw (@Rudawkurdish) February 22, 2025
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ