رەوشی تەقتەق دوای خۆپیشاندانەکان ئاسایی بووەتەوە
رووداو - تەقتەق
لە شارۆچکەی تەقتەق دەوامی حکومەت وەستاوە،17 فەرمانگەی حکومی و بارەگای حیزبی سووتێنراون، هیچ دۆسیە و بەڵگەنامەی هاونیشتمانیان لە دادنووس، شارەوانی، کشتوکاڵ و فەرمانگەکانی دیکەدا نەماون.
لە شارۆچکەی تەقتەق زۆرێک لە فەرمانگە حکومی و حیزبییەکان سووتێنراون و زیانیان بەرکەوتووە ئەوانیش؛ بەڕێوەبەرایەتیی ناحیە، شارەوانی، بنەکی پۆلیسی هاتووچۆ، دادگا، دادنووس، داواکاری گشتیی، کشتوکاڵ، پۆستە و گەیاندن، تاپۆ، مۆزخانە، بەڕێوەبەرایەتیی جێبەجێکردن، کۆمسیۆن، فەرمانگەی کارەبا، بارەگانی یەکێتی، پارتی، یەکگرتوو و کۆمەڵ.
مۆزەخانەی تەقتەقیش یەکێک بوو لەو شوێنانەی کە خۆپیشاندەرانی ئەو شارۆچکەیە دەستیان لێ نەپاراست، نزیکەی 200 پارچە شوێنەروار و کەلوپەلی کۆن و کولتووری بەتەواوی شکێنراون و سووتێنران.
رەوشی تەقتەق ئێستا بەتەواوی هێور بووتەوە، بەڵام جوڵەی شەقام و بازاڕەکەی وەک جاران نییە، هێزە ئەمنییەکانی ئەو سنوورە دەستیان بە دەستگیرکردنی ئەو کەسانە کردووە کە دەستیان لە سووتاندن و زیانگەیاندن بە فەرمانگە حکومی بارەگا حیزبییەکانی ناوچەکە گەیاندووە، تاوەکو ئێستا بەفەرمانی دادوەر 11 لەو خۆپیشاندەرانە دەستگیر کراون.
داڕشتنەوە؛ راوچی حەسەن
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ