پێشبینی دەکرێت لە باکووری کوردستان باران ببارێت

 

 

لە راگەیێندراوێکدا لە تۆڕی کۆمەڵایەتیی ئێکس، بەڕێوەبەرایەتیی گشتیی کەشناسی تورکیا دەڵێت، پێشبینی دەکرێت لە 70 پارێزگای تورکیا و باکووری کوردستان لە 81 پارێزگاکە باران ببارێت.

 

وەکو لە راگەیێندراوەکەدا هاتووە، بارانبارینەکە هەموو پارێزگاکانی باکووری کوردستان دەگرێتەوە و 2 رۆژ بەردەوام دەبێت.

 

کەشناسیی تورکیا دەڵێت، بارانبارینەکە دەبێتە هۆی دابەزینی پلەی گەرما و بەو جۆرەش پلەی گەرما لە پارێزگاکانی تورکیا لەنێوان 24-28 پلەی سیلیزی دەبێت؛ لە پارێزگاکانی باکووری کوردستانیش پلەی گەرما لەنێوان 18-24 پلەی سیلیزی دەبێت. 

 

لە بەشی زۆری پارێزگاکانی باکووری کوردستان خێرایی با لەنێوان 80-90 کم دەبێت لە کاژێرێکدا. لە بەشێکی پارێزگاکانی تورکیا خێرایی با دەگاتە 65-80 کم لە کاژێرێکدا.