هەڵەیەک روویدا! دووبارە هەوڵبدە
سووتانی چرووی هاونیشتمانییەک لە سنووری ئامێدی.
رووداو دیجیتاڵ
شەڕ و پێکدادانەکانی نێوان سوپای تورکیا و گەریلاکانی پەکەکە لە سنووری ئامێدی زیانی زۆری بە لەوەڕگەی خاوەن مەڕوماڵاتەکانی ناوچەکە گەیاندووە.
بەگوێرەی بەرگریی شارستانیی دهۆک، ئەم ساڵ زیاتر لە 25 هەزار دۆنم دارستان و پاوان لە قەزای ئامێدی سووتاون کە زۆربەی بەهۆی بۆروومان و تۆپبارانەکانەوە بووە.
زیاتر لە پێنج ساڵە مەتین بەلاڤەیی کاری شوانی دەکات، بەڵام بەهۆی شەڕ و پێکدادانەکانی نێوان سوپای تورکیا و گەریلاکانی پەکەکە ناچار بووە مەڕوماڵاتەکەی تەنیا لە دەروبەری گوندەکەیان بلەوەڕێنێت. ئەو لەوەڕەش خەریکە کۆتایی دێت.
مەتین دەڵێت: "مەڕەکانمان دەبردنە ئەو گوندانەی سەرەوە و لەو دەوروبەرە تا لووتکەی شاخەکە دەڕۆشتین. ئێستا دۆخەکە نەخۆش بووە. ناتوانین لە گوند دووربکەوینەوە. ئاقارەکەشمان سووتاوە. مەڕوماڵاتمان بەبێ لەوەڕ ماوەتەوە."
ماوەی مانگێکی زۆربەی لەوەڕی گوندی بەڵاڤە و دەروبەری سووتاوە. بەهجەت بەلاڤەیی یەکێکە لەوانەی زیانی زۆری بەرکەوتووە و چرووی مەڕوماڵاتی سووتاوە. ناچار بووە ساڵانە مەروماڵاتی کەمبکاتەوە. لە 400 سەر مەڕ تەنیا 100ـی هێشتوونەتەوە.
مام بەهجەت دەڵێت: "پار من و هاوژینەکەم چروومان بۆ مەڕوماڵات دەبڕی بۆ ئەوەی لە زستان دا پێی بدەین. 10 بۆ 12 چروومان بڕیبوون. پێش ئەوەی زستان بێت، گڕیان گرت و حەوت بۆ هەشت چروو سووتان و رەنجی مانگێکم بە بادا چوو."
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ