جووتیارێک: سوپای عێراق لە پەلکانە دەستگیریان کردم

 

دەشتی ئاغا، کەسایەتی و جووتیاری گوندی پەلکانەی کەرکووک بە رووداوی راگەیاند، "شەوی رابردوو چەند هەمەرێکی فەوجی چواری لیوای 32ی فیرقەی هەشتی سوپای عێراق هاتنە سەر زەوییەکانم و ویستیان ئامێرەکانی ئاودانی کشتوکاڵی تێکبدەن، من چوومە لایان و پێیانگوتم، دەبێت بچینە بنکەی پۆلیس و وێڕای پڕکردنەوەی بەڵێننامە لەسەر دەستهەڵگرتن لە کاری جووتیاری ئامێرەکانیش تێکبدەن."

 

دەشتی ئاغا دەڵێت، "لە بنکەی پۆلیسەوە پەیوەندیم بە نەجوە حەمید، ئەندامی پەرلەمانی عێراق کرد و دوای ئەوەی قسەی لەگەڵ فەرماندەی لیوا و فەوجەکەدا کرد، فەرمان کرا ئازاد بکرێم."     

 

بەگوتەی دەشتی ئاغا، سوپای عێراق ئاودانی لە جووتیارانی ئەو سنوورە قەدەخە کردووە.