رووداو دیجیتاڵ
قائیمقامی قەزای ئاکرێ لە پارێزگای دهۆک رایگەیاند؛ فڕۆکە جەنگییەکانی تورکیا گوندێکی سنووری ئاکرێیان بۆردوومانکردووە، بەڵام زیانی گیانی نەبووە.
مازن محەممەد، قائیمقامی قەزای ئاکرێ رایگەیاند: کاژێر 11:00ی شەوی 20-3-2021، فڕۆکەکانی تورکیا گوندێکی سنووری ئاکرێیان بۆردوومان کردووە، بەوهۆیەوە ئاگر کەوتووەتەوە، دوو تەویلەی ئاژەڵ سووتاون، بەڵام زیانی گیانی نەبووە."
مازن محەممەد، باسی لەوەکرد، ئاگرەکە لە گوندی کۆسینە و لەسەر رێگای گوندی باکرمان کەوتووەتەوە، تیمەکان چوونەتە شوێنی رووداوەکە و بەهاوبەشی لەگەڵ گوندنشینان ئاگرەکەیان کۆنتڕۆڵکردووە.
فڕۆکەکانی تورکیا بە پاساوی بوونی چەکدارانی پەکەکە زۆرجار سنوورەکانی هەرێمی کوردستان بۆردوومان دەکەن، بەو هۆیەوە تاوەکو ئێستا چەندین سڤیل بوونەتە قوربانی و رووبەرێکی زۆر لە پاوان و دارستانەکانی کوردستان سووتاون.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ