رووداو- سلێمانی
گوتەبێژی هاتووچۆی سلێمانی رایگەیاند، ئەمڕۆ لە شاخی گۆیژە ئۆمبێلێك کەوتووەتەخوارەوە، بەو هۆیەوە دوو سەرنشین گیانیانلەدەستداوە و سێ سەرنشینی دیكەش برینداربوون.
كاروان حەمەسدیق، گوتەبێژی پۆلیسی هاتووچۆی سلێمانی بە (تۆڕی میدیایی رووداو)ی راگەیاند، ئەمڕۆ (سێشەممە 21-3-2017) ئۆتۆمبێلێکی جۆری "كیا سپۆرتاج" لە شاخی گۆیژە بە پێنج سەرنشینەوە کەوتووەتە خوارەوە.
بەگوتەی كاروان حەمەسدیق سەرنشینێکیان هەر لە شوێنی رووداوەكە گیانیلەدەستداوە و چوار سەرنشینەکەی دیكەش رەوانەی نەخۆشخانە کراون، دواتریش بریندارێکی دیکە گیانیلەدەستداوە.
گوتەبێژی پۆلیسی هاتووچۆی سلێمانی ئاماژەی بەوەشکرد، سەرجەم سەرنشینانی ئۆتۆمبێلەكە عەرەبن و خەڵكی باشوور و ناوەڕاستی عێراقن. لە ئەنجامی شارەزانەبوونیان بە رێگاكە دووچاری رووداوەكە بوون.
داڕشتنەوە: حەکیم داود
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ