قەرەجەكان: كاتی بانگەشەی هەڵبژاردن بەڵێنمان پێدەدەن ‌و دواتر لێمان ناپرسنەوە

رووداو-هەولێر

لە بەرنامەیەی ئەمشەوی (لەگەڵ رەنج) ی (تۆڕی میدیایی رووداو) قەرەجەكان باس لەوە دەكەن، كاتی بانگەشەی هەڵبژاردنەكان حیزبەكان بەڵێنی باشبوونی ژیان ‌و گوزەرانیان پێدەدەن، بەڵام دواتر لێیان ناپرسنەوە.

ئەڵقەی ئەمجارەی بەرنامەکە، كە تایبەتە بە ژیان ‌و گوزەرانی قەرەجەكانی نیشتەجێی هەرێمی كوردستان ‌و بڕیارە كاژێر 9.5خولەكی ئەمشەو پێشكەشبكرێت، تێیدا قەرەجەكانی هەرێمی كوردستان داوادەكەن، وەكو هەموو كەسێكی ئاسایی ماف‌ و ژیانیان هەبێت ‌و گلەیی ئەوەش دەكەن  لە هەرێمی كوردستاندا پشتگوێخراون. 

سۆران سەعید، كە وەك نوێنەری وەزیری كار ‌و كاروباری كۆمەڵایەتی هەرێمی كوردستان بەشداری بەرنامەكەی كردووە، باس لەوە دەكات، قەرەجەكان وەكو هەموو خەڵكی ئاسایی هەرێمی كوردستان دەتوانن سوود لە پڕۆژەكانی ئەوان وەربگرن.

• به‌شی بكه‌ لە
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger