سەرۆکوەزیرانی هەرێمی کوردستان و باڵیۆزی ژاپۆن لە عێراق کۆبوونەوە

 

ئەمڕۆ چوارشەممە، 21-02-2024، مەسرور بارزانی، سەرۆکوەزیرانی هەرێمی کوردستان پێشوازی لە فۆتۆشی ماتسومۆتۆ، باڵیۆزی ژاپۆن لە عێراق کرد.

 

بەگوێرەی راگەیێندراوێکی حکومەت، لە کۆبوونەوەکەدا "بیروڕا لەبارەی پەرەپێدانی پەیوەندیی دوولایەنە و پڕۆژەکانی ئاژانسی جایکای ژاپۆنی لە هەرێمی کوردستان ئالوگۆڕ کرا، بەتایبەتی لە بوارەکانی ئاو و ئاوەڕۆ و وزە."

 

باڵیۆزی ژاپۆن "پشتیوانیی وڵاتەکەی بۆ پاراستنی ئاسایش و سەقامگیریی هەرێمی کوردستان دەربڕی"، ئەمە بەگوێرەی راگەیێندراوەکە.

 

مەسرور بارزانی، سەرۆکوەزیرانی هەرێمی کوردستان "سوپاسی هاوسۆزی و پشتگیریی ژاپۆنی کرد و خواستی برەودانی زیاتر بە پەیوەندیی نێوان هەرێمی کوردستان و ژاپۆنی دووپات کردەوە."