فەلەکناسیی کوردستان: شەوی شەممە لەسەر یەکشەممە یەڵدایە

 

ئەژی چەتۆ، سەرۆکی رێکخراوی فەلەکناسیی کوردستان ئەمڕۆ هەینی، 20-10-2024، بە تۆڕی میدیایی رووداوی گوت: "رۆژی شەممە، 21-12-2024 یەکەم رۆژی وەرزی زستان لە هەرێمی کوردستان دەستپێدەکات".

 

ئەژی چەتۆ ئاماژەی بەوەشکرد، یەکەم شەوی زستان بە شەوی یەڵدا ناسراوە و دەبێتە درێژترین شەوی ساڵەکە، کە شەوی 21 لەسەر 22ـی ئەم مانگە دەبێت و شەوەکە زیاتر لە 13 کاژێر درێژە.

 

ساڵی رابردوو  22ـی مانگی 12، یەكەم رۆژی وەرزی زستان لە نیوەگۆی باكووری زەوی دەستپیپێکرد و شەوەکەشی بووە درێژترین شەوی ساڵ.

 

شەوی یەڵدا لە رۆژهەڵاتی کوردستان گرنگی زۆری پێدەدرێت و خێزانەکان وەک نەریتێکی کۆن ئەو شەوە لەدەوری یەک کۆدەبنەوە و بەڕازاندنەوەی سفرە و خوانیان شەوەکە بەرێدەکەن.

 

ساڵانە لە شەوی یەڵدادا لە هەرێمی کوردستان چەندین چالاکیی جیاواز لەلایەن کەرتی تایبەت و رێکخراوەکانەوە بەڕێوە دەبرێت.