رووداو دیجیتاڵ
لە رووداوێکی هاتووچۆدا لە رێگەی نێوان مهاباد و ورمێ پێنج کەس گیانیان لەدەستدا و سێ کەسی دیکەش برینداربوون.
رووداوەکە دوانیوەڕۆی ئەمڕۆ لەنێوان بارهەڵگرێک و دوو ئۆتۆمبێلی تایبەت لە جۆری پراید و پێژۆ روویدا.
فەرزین رەزازادە، سەرۆکی ناوەندی فریاکەوتنی پارێزگای ورمێ رایگەیاند، پێنج کەس لە سەرنشینانی هەر دوو ئۆتۆمبێلە تایبەتەکە گیانیان لەدەستداوە و سێ کەسیش برینداربوون.
فەرزین رەزازادە ئاماژەی بەوە کرد، تەندروستیی دوو لە بریندارەکان ناجێگیرە.
رەزا پەناهی موقەدەم، فەرماندەی پۆلیسی رێگەوبانی پارێزگای ورمێ دەڵێت، رووداوەکە بەهۆی پێشکەوتنی بارهەڵگرەکە لە شوێنی رێگەپێنەدراو روویداوە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ