لە داقووق بەهۆی پێکدادانی دوو ماتۆڕ دوو مێرمنداڵی تاقانە گیانیان لەدەستدا

 

 

ئەمڕۆ سێشەممە، 20ـی ئابی 2024، د. فەرمان تاڵەبانی، بەڕێوەبەری نەخۆشخانەی داقووق بە تۆڕی میدیایی رووداوی راگەیاند، "نزیک کاژێر 12:00ـی شەوی رابردوو، لە نزیک گوندی سنووری سەر بە قەزای داقووق، بەهۆی پێکدادانی دوو ماتۆر هەردوو شۆفێرەکە کە یەکێکیان تەمەنی 13 ساڵە و ئەوی دیکەیان 16 ساڵە، گیانیان لەدەستدا."

 

گوتیشی: "هەردوو ماتۆڕەکە رووبەڕوو لە یەکدیان داوە؛ یەکێکیان راستەوخۆ لە شوێنی رووداوەکە گیانی لەدەستداوە و ئەوی دیکە لە کاتی گەیاندنی بە نەخۆشخانە گیانی لەدەستداوە."

 

بەڕێوەبەری نەخۆشخانەی داقووق دەڵێت: "ئەو دوو مێرمنداڵەی گیانیان لەدەستداوە کوردی دانیشتووی گوندی سنوورن و هەردووکیان تاقانەی خێزانەکانیانن."