ئاگر لە گەورەترین مۆڵی ئامەد کەوتەوە و چوار کەس گوێزرانەوە بۆ نەخۆشخانە

 

مۆڵی جەیلان دەکەوێتە ناوچەی پایاسی ئامەد و گەورەترین مۆڵی پارێزگاکەیە. 

 

تیمەکانی بەرگریی شارستانی زوو گەیشتنە شوێنی رووداوەکە و ناوچەکەیان بەڕووی هاتوچۆدا داخست.

 

سەردانیکاران و کارمەندان لە مۆڵەکە دەرچوون و بەشێکیشیان لەلایەن تیمەکانی بەرگریی شارستانییەوە برانە دەرەوە.

 

دووکەڵ کاریگەری لەسەر تەندروستی چوار کەس کردبوو و هەر چواریان لەلایەن تیمەکانی فریاکەوتنەوە گوێزرانەوە نەخۆشخانە.

 

بە گوێرەی لێکۆڵینەوە سەرەتاییەکان، ئاگرەکە سەرەتا لە بەشی کۆگاکانی پۆشاکەوە هەڵگیرساوە و دواتر بە بەشەکانی دیکەدا بڵاوبووەتەوە.