رووداو دیجیتاڵ
نیوەڕۆی رۆژی سێشەممە 20-8-2024 ئاگر لە مۆڵی جەیلان لە پارێزگای ئامەدی باکووری کوردستان کەوتەوە و 4 کەس گوێزرانەوە نەخۆشخانە.
مۆڵی جەیلان دەکەوێتە ناوچەی پایاسی ئامەد و گەورەترین مۆڵی پارێزگاکەیە.
تیمەکانی بەرگریی شارستانی زوو گەیشتنە شوێنی رووداوەکە و ناوچەکەیان بەڕووی هاتوچۆدا داخست.
سەردانیکاران و کارمەندان لە مۆڵەکە دەرچوون و بەشێکیشیان لەلایەن تیمەکانی بەرگریی شارستانییەوە برانە دەرەوە.
دووکەڵ کاریگەری لەسەر تەندروستی چوار کەس کردبوو و هەر چواریان لەلایەن تیمەکانی فریاکەوتنەوە گوێزرانەوە نەخۆشخانە.
بە گوێرەی لێکۆڵینەوە سەرەتاییەکان، ئاگرەکە سەرەتا لە بەشی کۆگاکانی پۆشاکەوە هەڵگیرساوە و دواتر بە بەشەکانی دیکەدا بڵاوبووەتەوە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ