رووداو دیجیتاڵ
لە گوندی بێکڵۆی سەر بە ناحیەی هێرۆ لە قەزای پشدەر، بەهۆی وەرگەرانی ماتۆڕسکیلێکی سێ تەگەری کەسێک گیانی لەدەستدا و سێی دیکە برینداربوون کە سەرجەمیان ئەندامی یەک خێزانن.
عوسمان ئەحمەد، بەڕێوەبەری کارگێری نەخۆشخانەی فێرکاری شەهیدانی قەڵادزێ بەتۆڕی میدیایی رووداوی راگەیاند، ئێوارەی رۆژی پێنجشەممە، 20-07-2023 لە گوندی بێکڵۆی سەر بە ناحیەی هێرۆ لە قەزای پشدەر، بەهۆی وەرگەرانی ماتۆڕسکیلێکی سێ تەگەری کەسێک گیانی لەدەستدا و سێی دیکە برینداربوون کە سەرجەمیان ئەندامی یەک خێزانن کە باوک، دوو کوڕ و کچێک بوون و یەکێک لە کوڕەکان بە ناوی یووسف عەبدولقادر، تەمەن 17 ساڵ بەهۆی سەختی برینەکەیەوە گیانی لەدەستداوە.
بەڕێوەبەری کارگێڕیی نەخۆشخانەی فێرکاری شەهیدانی قەڵادزێ گوتی، "یەکێکی دیکە لە کوڕەکان، بەهۆی سەختیی برینەکەیەوە رەوانەی نەخۆشخانەکانی سلێمانی کراوە و باوک و کچەکە تەندروستییان جێگیرە".
ئەو ماڵباتە، دانیشتووی قەڵادزێن و جووتیاری دەکەن، لەکاتی گەڕانەوەیان لە کار تووشی ئەو رووداوە بوون.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ