رووداو دیجیتاڵ
سەرۆک مەسعود بارزانی و شاندێکی باڵای حیزبی دەعوەی رێکخستنی عێراق جەخت لە پێویستیی داڕشتنەوەی پەیوەندییەکان دەکەنەوە.
بەگوێرەی راگەیێندراوێکی بارەگای بارزانی، رۆژی دووشەممە، 20ی ئایاری 2024، لە پیرمام سەرۆک مەسعود بارزانی پێشوازیی لە شاندێکی باڵای حیزبی دەعوەی رێکخستنی عێراق بە سەرۆکایەتیی د. خالد ئەسەدی، جێگری سکرتێری گشتیی ئەو حیزبەکە کرد.
لە دیدارەکەدا، بیروڕا لەبارەی بارودۆخی سیاسیی عێراق و پێویستیی چارەسەرکردنی کێشەکان و بەدیهاتنی سەقامگیری و تەبایی ئاڵۆگۆڕ کرا.
هەروەها جەخت لە هاوئاهەنگیی نێوان لایەنەکان کرایەوە بۆ تێپەڕاندنی هەڕەشە و ئاڵنگارییەکان و پێویستیی داڕشتنەوەی پەیوەندییەکان و گەیشتن بە لێکتێگەیشتنی نێوان پێکهاتە و لایەنە عێراقییەکان .
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ