شەپۆلێکی بەفربارین تورکیا و باکووری کوردستانی گرتووەتەوە

 

 

گۆکهان ئوستونداغ، هاونیشتمانی دەڵێت: "بەڵی لە ئێوارەوە بەفربارین دەستیپێکردوو و تاوەکو ئەم بەیانییە نەوەستاوە. هیوادارم نیعمەتەکانی زۆر بن".

 

لە پارێزگای ئەردەخان بەهۆی سەرما و سۆڵە هاتووچۆ سەخت بووە. بەڵام خەڵکی ناوچەکە دڵخۆشن بەو دۆخە و بەفر وەک چارەسەرێک بۆ وشکەساڵی دەبینن.

 

هاونیشتمانییەک دەڵێت: "بەفر نیعمەتە، ئارامیە. دۆخی ئێمە باشە. زۆر بەفر دەبارێت و کەش و هەوا خۆشە. ئیشەڵڵا باشتر دەبێت."

 

بەهۆی بارینی بەفرێکی زۆرەوە، ئەمڕۆ لە قوتابخانەکانی 35 پارێزگای باکووری کوردستان و تورکیا کرایە پشوو، 13 لەو پارێزگایانە لە باکووری کوردستانن. 

 

رێگەی سەدان گوند و شارەدەێ داخراون و هەوڵی کردنەوەیان دەدرێت.

 

کەشناسیی تورکیا رایگەیاند، بەفربارین بەردەوام دەبێت و پێویستە هاووڵاتیان رێوشوێنی خۆپارێزی پێویست بگرنەبەر.