زیاتر لە 53 هەزار دەنگی کورد لە کەرکووک دەفەوتێن

 

 

بە گوێرەی ئەو ئەنجامەی ئەمڕۆ سێشەممە 19-12-2023، کۆمیسیۆنی باڵای سەربەخۆی هەڵبژاردنەکانی عێراق بڵاویکردەوە، لایەنە کوردستانییەکان لە کەرکووک 217 هەزار و 815 دەنگیان بەدەستهێناوە و دەنگەکانیان بەم جۆرەیە: یەکێتیی نیشتمانیی کوردستان 139 هەزار و 373 دەنگ؛ پارتی دیموکراتی کوردستان 46 هەزار و 749 دەنگ؛ جووڵانەوەی نەوەی نوێ 24 هەزار و 620 دەنگ؛ هاوپەیمانیی مەشخەڵی کەرکووک کە یەکگرتوو و کۆمەڵ پێکیانهێنابوو 6655 دەنگ و پارتی سۆسیال دیموکراتی کوردستان 377 دەنگ.

 

بەڵام پارتە کوردستانییەکان بە یەک لیست لە هەڵبژاردنەکەدا بەشدار نەبوون و دەنگەکانی نەوەی نوێ، هاوپەیمانیی مەشخەڵی کەرکووک و پارتی سۆسیال دیموکرات هێندە نەبوون کە ئەو لایەنانە بە تەنیا کورسی بەدەستبهێنن و هەربۆیە ئەو دەنگانە هەموویان دەفەوتێن. ئەو دەنگانە لەگەڵ ئەو دەنگانەی دیکەی کە پارتی و یەکێتی بەدەستیان هێناون و بەشی کورسییان نەکرد و هەربۆیە دەفەوتێن هەموویان 53 هەزار و 617 دەنگن.

 

هەربۆیە ئەو کورسییانەی ئێستا لایەنە کوردستانییەکان لەو پارێزگایە بەدەستیان هێناون تەنیا حەوت کورسین لە کۆی 16 کورسی و ئەنجامەکەش بەم جۆرەیە: یەکێتیی نیشتمانیی کوردستان 5 کورسی و پارتی دیموکراتی کوردستان 2 کورسی.

 

 

-نەشئەت شاهوێز خورشید: 37971 دەنگ

-رێبوار تەها: 27265 دەنگ

-ئەحمەد فاتیح: 11 هەزار دەنگ

-هۆشیار هیجران: 5961 دەنگ

-پەروین فاتیح جەباری: 5396 دەنگ

 

-حەسەن مەجید رەشید شێخانی: 7505 دەنگ

-شۆخان حەسیب: 3582 دەنگ

 

-راکان جبووری: 36617 دەنگ

-ئەحمەد عەبدولواحید حەمدانی: 8717 دەنگ

- سەلوا میفرەجی: 4190 دەنگ 

 

-ئەحمەد رەمزی کەریم:  19339 دەنگ

-محەممەد سەمعان کەنعان: 10698 دەنگ

 

-رەعد ساڵح حوسێن جبووری: 9967 دەنگ

-بەیدا حەموود دەرویش: 1744 دەنگ

 

-زاهیر ئەنوەر عاسی حوسێن عوبەیدی: 10060 دەنگ

 

-ئینجیل زیا شیبا زیا: 56 دەنگ