لە شرنەخ 19 کەس دەستگیرکران و یەکێکیان زیندانی کرا

 

 

بەگوێرەی راگەیێندراوێکی پارێزگای شرنەخی باکووری کوردستان، تیمەکانی ئاسایش، لە ئۆپەراسیۆنێکدا کە یەک هەفتەی خایاندووە، 19 کەسیان دەستگیرکرد.

 

ئۆپەراسیۆنەکە بە ناوی 'بەرەنگاربوونەوەی کردە و چالاکییەکانی رێکخراوە تیرۆریستییەکان' بەڕێوەچوو و ئەو 19 کەسە گومانی هاوکاریکردنی ئەو رێکخراوانەیان لەسەرە.

 

ئەو کەسانە دوای رێکارە یاساییەکان گواسترانەوە بۆ دادگە و یەکێکیان فەرمانی دەستبەسەرکردنی بۆ دەرکرا. هەروەها حەوتیان رادەستی یەکەی پەیوەندیدارکران و 11یشیان قەدەخەی چوونەدەرەوەی وڵاتیان لەسەر دانرا و بەمەرج ئازاد کران.

 

بەگوێرەی راپۆرتی داواکاری گشتی، ئەو کەسانە گومانی هاوکاری کردن و ئەندامیەتیی پارتی کرێکارانی کوردستان (پەکەکە) و رێکخراوی گولەنییەکانیان لەسەر بووە.