لە سلێمانی دوو کۆگە سووتان
رووداو دیجیتاڵ
لە ناوچەی پیشەسازیی سلێمانی ئاگر لە دوو کۆگە کەوتەوە و بەرگریی شارستانیش دەڵێت، ئاگرەکەیان کۆنتڕۆڵکردووە.
ئارام عەلی، گوتەبێژی بەرگریی شارستانیی سلێمانی ئەمڕۆ هەینی بە تۆڕی میدیایی رووداوی گوت، یەکێک لە کۆگاکان تەختەی تێدابووە و کۆگاکەی دیکەش کەرەستەی پێداویستیی خانووبەرە بووە.
ئارام عەلی گوتی، زیانی گیانی نەبووە و بۆ زانینی هۆکاری رووداوەکە و زیانە مادییەکان دواتر لیژنەیەک ئاشكرای دەکات.
بەگوێرەی ئاماری حکومەتی هەرێمی کوردستان، ئەم ساڵ تاوەکو 21ـی ئایار، زیاتر لە هەزار و 292 رووداوی ئاگرکەوتنەوە و خنکان و هەڵدێران روویانداوە و بەهۆیانەوە 61 کەس گیانیان لەدەستداوە.