بەهۆی وەرگەڕانی پاسێک لە ئامێدی 10 گەشتیار بریندار بوون

 

 

حەمید ساڵح، بەڕێوەبەری گەشتوگوزاری ئامێدی بە تۆڕی میدیایی رووداوی گوت، دەروبەری کاژێر 10:30ـی بەیانیی ئەمڕۆ، پاسێکی گەشتیاری لە هاوینەهەواری گەلیی شێرانە، کە یەکێکە لە دیارترین شوێنە گەشتیارییەکانی پارێزگای دهۆک، وەرگەڕاوە و بەهۆیەوە 10 کەس بریندار بوونە کە برینەکەیان سووکە. 

 

بەڕێوەبەری گەشتوگوزاری ئامێدی گوتیشی کە گەشتیارەکان خەڵکی موسڵن. 

 

لەبارەی دۆخی بریندارەکانیش، حەمید ساڵح گوتی کە لە هەردوو بنکەی ئامێدی و دێرەلۆک چارەسەریی پێویستیان وەرگرتووە.

 

تەندروستیی ئامێدی دەڵێت، دوو لە برینداران بە شووشەی شکاوی جامی پاسەکە بریندار بوونە و لەوانەیە پێویست بکات رەوانەی نەخۆشخانەی فریاکەوتنی دهۆک بکرێن.