دوای کۆبوونەوەی لەگەڵ سەرۆکی هەرێمی کوردستان، جەواد زەریف، وەزیری دەرەوەی ئێران سەردانی مەسرور بارزانی، سەرۆکوەزیرانی هەرێمی کوردستانی کرد و لە کۆبوونەوەیاندا تاوتوێی پەیوەندییەکانی هەردوولایان کرد. بەپێی راگەیێندراوی کۆبوونەوەکە، هەردوولا هاوڕابوون لەسەر چارەسەرکردنی کێشەکانی هەولێر و بەغدا بەپێی دەستوور.
لە راگەیێندراوی کۆبوونەوەی جەواد زەریف و مەسرور بارزانیدا هاتووە، "گفتوگۆ دەربارەی پەرەپێدانی پەیوەندییەکانی نێوان هەرێمی کوردستان و کۆماری ئیسلامیی ئێران کرا، بەتایبەتی لە بواری ئاڵوگۆڕی بازرگانی. هەروەها جەخت لە گرنگیی هاوئاهەنگی کردنی هەردوولا کرایەوە بۆ رووبەڕووبوونەوەی ڤایرۆسی کۆرۆنا".
لە تەوەرێکی دیکەی کۆبوونەوەکەدا بەپێی راگەیێندراوەکە، بارودۆخی عێراق و ناوچەکە تاوتوێکراوە، هەردوولا هاوڕابوون لەبارەی ئەوەی چارەسەرکردنی کێشەکانی نێوان هەرێمی کوردستان و حکومەتی فیدراڵی لەسەر بنەمای دەستوور، لە بەرژەوەندی ھەموو هاووڵاتیانی عێراقدایە.
سەردانی محەممەد جەواد زەریف، وەزیری دەرەوەی #ئێران بۆلای #مەسروور_بارزانی، سەرۆکوەزیرانی هەرێمی کوردستان لە #هەولێر
— Rudaw (@Rudawkurdish) July 19, 2020
وێنە: فەرهاد ئەحمەد pic.twitter.com/IPbBeejjLb
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ