کەسێک لە سنووری دهۆک لە شاخ کەوتە خوارەوە و گیانی لەدەستدا
رووداو دیجیتاڵ
ئەمڕۆ هەینی، پیاوێک لە ناحیەی سەرسنک لە قەزای ئامێدیی دهۆک چووەتە شاخ بۆ گیای بەهارە، بەڵام بەگوتەی کەسوکارەکەی، لە شوێنێکی بەرز کەوتووەتە خوارەوە و گیانی لەدەستداوە.
پیاوەکە ناوی گوهدارە و تەمەنی 47 ساڵە؛ خەڵکی گوندی گەرەگۆیە لە ناحیەی سەرسنکە.
یوسف گەرەگویی، یەکێک لە کەسوکاری گوهدار بە تۆڕی میدیایی رووداوی راگەیاند، "گوھدار ئەمڕۆ چووبووە چیا تا ئێوارە نەھاتەوە، کەسوکارمان بەدوایدا چوون، بینیان لە شوێنێکی بەرز کەوتووەتە خوارەوە و گیانی لە دەستداوە، ئەوانیش تەرمەکەیان ھێنایەوە".