هەڵەیەک روویدا! دووبارە هەوڵبدە
رووداو دیجیتاڵ
مێرمنداڵێکی تەمەن 15 ساڵ دەکەوێتە نێو بەنداوی گوندی چەمرگە لە سنوری قەزای بنەسڵاوە.
ئامانج محەممەد، ئەفسەری بنکەی بەرگریی شارستانیی خەبات ئەمڕۆ هەینی 19-4-2024 بە تۆڕی میدیایی رووداوی راگەیاند، ”رووداوەکە کاژێر 4ی دوانیوەڕۆی ئەمڕۆ لە سنووری ناحیەی کەسنەزان سەر بە قەزای بنەسڵاوە روویداوە".
هاونیشتمانییەکە ناوی محەممەد سەردار حەسەنە، قوتابیە و دانیشتووی قەزای بنەسڵاوەیە.
ئەو ئەفسەری بنکەی بەرگریی شارستانیی خەبات گوتیشی، "کاژێر 5 ئاگادار کراونەتەوە کە رووداوێک لە بەنداوی گوندی چەمرگە روویداوە و دەستبەجێ تیمی مەلەوانیی بنکەی بەرگری شارستانیی خەبات بەڕێکەوتن".
ئامانج محەممەد گوتی، تاوەکو ئێستا چارەنووسی ئەو هاونیشتمانییە دیار نییە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ