داعش بە مووشەکی کیمیایی هێرشدەکاتە سەر پێشمەرگە
رووداو- گوێڕ
چەکدارانی داعش لە میحوەری گوێڕ بە مووشەکی کیمیایی هێرشیانکردە سەر پێشمەرگە و 6 پێشمەرگە بریندار بوون.
سیروان بارزانی، سەرپەرشتیاری میحوەری گوێڕ- مەخمووری پێشمەرگە بە تۆڕی میدیایی رووداوی راگەیاند: "کاژێر 18:30 خولەکی رۆژی سێشەممە 19-4-2016 تیرۆریستانی داعش 12 مووشەکی کیمیاییان ئاراستەی سەنگەرەکانی پیشمەرگە کرد لە نزیک گوندی ئەبوو شیتە لە میحوەری گوێڕ کە بەداخەوە 6 پیشمەرگەمان بریندار بوون".
رۆژی پێنجشەممە 14-4-2016، بەهۆی ئاراستەكردنی 3 گوللە هاوەنی هەڵگری كڵاوەی كیمیایی لەلایەن داعشەوە، 3 پێشمەرگە لە میحوەری مەخموور برینداربوون و یەكێك لە پێشمەرگەكان شەهیدبوو.