رووداو دیجیتاڵ
خوێندکارێکی کوردی نیڤشکان کە خەڵکی پارێزگای سنەیە، لە پێشبڕکێی پاڵەوانێتیی کاراتێی ئێران پلەی یەکەمی بەدەستهێنا و میدالیای زێڕی بردەوە.
تالیب محەممەدی، بەڕێوەبەری پەروەردەی تایبەتی پارێزگای سنە رۆژی دووشەممە، 19-02-2024، رایگەیاند، "هێمن نادری، کە پۆلی هەشتی ناوەندییە، لە رووی توانای مێشکەوە خاوەن پێداویستیی تایبەتە، لە پێنجەمین خولی پێشبركێی قارەمانێتیی کاراتێی کیۆکوشینی ئێران کە لە تاران بەڕێوەچوو، توانی بەسەر هەموو رکابەرەکانیدا سەرکەوێت و پلەی یەکەم بەدەستبهێنێت."
تالیب محەممەدی گوتی: "ئەو خوێندکارە سنەییە لە کێشی 65 کیلوگرام و لە بەشی پشتێنە رەنگاوڕەنگەکاندا بووە یەکەم و میدالیای زێڕی بەدەستهێنا."
ئاماژەشی بەوە کردەوە کە ئەو پێشبرکێیە بەمەبەستی هەڵبژاردنی ئەندامانی تیمی نەتەوەیی کاراتێی ئێران بەڕێوەچوو، کە بڕیارە بەشداری پێشبركێیەکانی کاراتێی ئەوروپا و تورکیا بکات.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ