رووداو دیجیتاڵ
سەرۆکی بەشی فریاکەوتن و بەڕێوەبەری قەیرانی زانکۆی پزیشکیی سنە دەڵیت، "لە دوو مانگدا 5 کەس بە هۆی ژەهراویبوون بە دوانۆکسیدی کاربۆن گیانیان لەدەستداوە، کە ئەوەش ئامارێکی مەترسیدارە."
ئەمڕۆ دووشەممە 18ی تشرینی دووەم حوسێن جەعفەری، سەرۆکی بەشی فریاکەوتن و بەڕێوەبەری قەیرانی زانکۆی پزیشکیی سنە لە رۆژهەڵاتی کوردستان رایگەیاند، "لە دوو مانگدا 33 ژەهراویبوون بە گازی دوانۆکسیدی کاربۆن لە پارێزگای سنە تۆمارکراون کە 5 کەسیان گیانیان لەدەستداوە. ئەم ئامارە زیادبوونی ژەهراویبوون بە گازی دوانۆکسیدی کاربۆن لە پارێزگاکە نیشان دەدات."
جەعفەری گوتیشی، "لە کۆی ئەو 33کەسە 22یان پیاو و 11یان ژن بوون. زۆرترین ژەهراویبوون لە شاری سنە بووە کە 11کەس بوون؛ لە سەقز 9 کەس، قوروە 6 کەس، بیجار 3 کەس، مەریوان 2 کەس و بانە 2 کەس تۆمار کراون کە بە گازی دوانۆکسیدی کاربۆن ژەهراویبوون."
بە گوتەی سەرۆکی بەشی فریاکەوتن و بەڕێوەبەری قەیرانی زانکۆی پزیشکیی سنە، "لە کۆی ئەو 33 کەسە 19یان بۆ ناوەندە پزیشکیەکان گوێزراونەتەوە و 5 کەسیان گیانیان لە دەستداوە"؛ ئاماژەی بەوەشکرد، "هۆکاری سەرکی ئەم ژەهراویبوونە دزەکردنی گازی ئامێرەکانی گەرمکەرەوەیە کە لە شوێنی داخراو بەکاردەهێندرێن."
پار لە ئیران و رۆژهەلاتی کوردستان 6 هەزار و 424 کەس بە گازی دوانۆکسیدی کاربۆن ژەهراویبوون و 305 کەسیان گیانیان لە دەستدا.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ