رووداو دیجیتاڵ
رۆژی پێنجشەممە، لە چیای زمناکۆی سنووری قەزای دەربەندیخان، ژمارەیەک راوچی تەقەیان لە پۆلیسی دارستان کردووە و بەوهۆیەوە پۆلیسێک بریندار بوو.
سلێمان محەممەد، قایمقامی دەربەندیخان بە رووداوی راگەیاند: چەند راوچییەک ئاسکێکیان راوکردووە، دواتر پۆلیسی دارستان چوونەتە شوێنی راوکردنەکە، بەڵام ئاسکەکەیان بەجێهێشتووە.
وەک سلێمان محەممەد دەڵێت، راوچییەکان تەقەیان لە پۆلیس کردووە و لە کاتی روبەرووبونەوەدا پۆلیسێکی دارستان بەناوی "دڵشاد ئەحمەد" برینداربووە و بۆ نەخۆشخانە گواستراوەتەوە.
لەبارەی دۆخی تەندروستی ئەو پۆلیسەی برینداربووە، قایمقامی دەربەندیخان گوتی، "برینەکەی کەمێک قووڵە، بەڵام تەندروستی جێگرە." هەروەها دەشڵێت، "راوچییەکان دەستگیرنەکراون."
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ