لە رووداوێکی هاتووچۆدا لە شنگال 8 کەس گیانیان لەدەستدا

ئەمڕۆ یەکشەممە، 18ـی ئابی 2024، پیردەیان جەعفەر، بەڕێوەبەری کۆچ و کۆچبەرانی دهۆک بە رووداوی راگەیاند، "ئێوارەی ئەمڕۆ رووداوێکی هاتووچۆ لەسەر رێگەی شنگال-تەلەعفەر، لەنێوان ئۆتۆمبێلێکی تایبەت و بارهەڵگرێک روویداوە و بەهۆیەوە 8 کەس گیانیان لەدەستداوە."

 

گوتیشی، "سەرجەم قوربانییەکان کوردی ئێزدین، کە دوو له‌و پێنج کەسه‌ى گیانیان له‌ده‌ستداوه‌ خەڵکی تەلعوزێرن، دووى دیكه‌ش ئافرەتن و لەگەڵ شۆفێره‌كه‌ خەڵکی خانەسۆری سەر بە قەزای شنگالە."

 

پیردەیان جەعفەر دەڵێت، "شۆفێری بارهەڵگرەکەش برینداربووە و رەوانەی نەخۆشخانە كراوه‌، 8 ته‌رمه‌كه‌ش ره‌وانه‌ى دادپزیشکیی موسڵ کراون".