لە ئاوی زێی گەورەی دێرەلوکدا خۆی خنکاندبوو
رووداو - هەولێر
دوێنێ دووشەممە کچێکی تەمەن 16 ساڵان خۆی دایە دەم ئاوی رووباری زێی گەورەی دێرەلووک و خنکا، لە دوێنێوە تیمەکانی فریاکەوتن بۆ تەرمەکەی دەگەڕێن و هێشتا نەیاندۆزیووەتەوە.
کچەکە ناوی هنداڤ فەرهادە و تەمەنی 16 ساڵانە، خەڵکی شارۆچکەی دێرەلووکی سەر بە ئامێدییە، بەیانی دوێنێ دووشەممە (17-6-2019) دوای ئەوەی لە خەو هەستاوە سەرقاڵی دایک و باوکی قۆستووەتەوە و لە ماڵ چووەتە دەرەوە، بە کلیل دەرگای داخستووە تاوەکو کەس بە دواییدا نەڕوات، دوای ئەوە خۆی بە ئاوی زێی گەورەی دێرەلوکدا داوە و هێشتا تەرمەکەی دیارنییە.
هنداڤ پێڵاوەکەی و کلیلی ماڵەوەی لە قەراخی رووباردا جێهێشتووە، لەو شوێنەدا خۆی خستووەتە رووبارەکەوە کە ئاوەکەی زۆر بەخوڕە و لێڵە، هەرشتێکی بکەوێتە بەردەم رایدەماڵێت.
دایکی هنداڤ دەڵێت، دوو مانگ بوو باری دەروونی کچەکەم زۆر خراپ بوو، هەر دەیگوت خۆم بە ئاوی رووباردا دەدەم.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ