رووداو دیجیتاڵ
کۆبوونەوەی پارتی یەکێتیی دیموکرات- پەیەدە و ئەنجوومەنی نیشتمانیی کورد لە سووریا- ئەنەکەسە لە حەسەکەی رۆژئاوای کوردستان دەستیپێکرد.
بەگوێرەی زانیارییەکانی رووداو، مەزڵووم عەبدی، فەرماندەی گشتیی هێزەکانی سووریای دیموکرات- هەسەدە لە کۆبوونەوەکەدا بەشدارە.
پەیەدە و ئەنەکەسە دوو لە جەماوەریترین حیزبی رۆژئاوای کوردستانن و لە پاش رووخانی رژێمەکەی بەشار ئەسەد، یەکەم جارە کۆببنەوە.
پەیەدە باڵی سەربازیی یەکینەکانی پاراستنی گەل- یەپەگەی هەیە و پێکهێنێکی سەرەکیی نێو هێزەکانی هەسەدەن کە دەوروبەری 14 ساڵە ئاسایشی رۆژئاوای کوردستانی لەژێر دەستدایە.
چاوەڕێ دەکرێت لە کۆبوونەوەی ئەو دوو حیزبەدا، باس لە قۆناخی داهاتووی رۆژئاوای کوردستان و سووریا بکرێت و زیاتر بەرەو یەک گوتاری و نزیکبوونەوە لە یەکدی بچن، تاوەکو هەڵوێستی کورد بەرامبەر دیمەشق یەکگرتوو بێت.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ