رووداو دیجیتاڵ
ئەنجوومەنی پارێزگای کەرکووک، دانانی حەوت بەڕێوەبەری ناحیەی پەسندکرد، کە دوویان کوردن، یەکێکیان بەڕێوەبەری ناحیەی سەرگەڕانە.
دوای زیاتر لە سێ مانگ، رۆژی سێشەممە، 18-02-2025 ئەنجوومەنی پارێزگای کەرکووک کۆبووەوە.
پەروین فاتیح، ئەندامی ئەنجوومەنی پارێزگای کەرکووک لە فراکسیۆنی یەکێتیی نیشتمانیی کوردستان بە تۆڕی میدیایی رووداوی راگەیاند، لە کۆبوونەوەکەدا دەنگ لەسەر دانانی حەوت بەڕێوەبەری ناحیە لە پارێزگای کەرکووک درا و پەسندکران، کە دوویان کوردن.
کوردەکان بریتین لە هەوراز نیزام عوسمان شوانی، کرایە بەڕێوەبەری ناحیەی شوان و بەشدار سلێمان عارەب، کرایە بەڕێوەبەری ناحیەی سەرگەڕان.
ئەندامەکەی ئەنجوومەنی پارێزگای کەرکووک پۆستەکانی دیکەی دراون بەعەرەب کە ئەوانیش بریتین لە: ئەحمەد ساڵح مەتەر، بەڕێوەبەری ناحیەی زاب. رەباح حوسێن شەهاب، بەڕێوەبەری ناحیەی مولتەقا. محەممەد ئیبراهیم ئەسعەد، بەڕێوەبەری ناحیەی ریاز. موەفەق نووری حائیت، بەڕێوەبەری ناحیەی رەشاد و حەقی ئیسماعیل عەبدوڵڵا، بەڕێوەبەری ناحیەی عەباسی.
ئەندامەکەی ئەنجوومەن ئاماژەی بەوەشکرد، هەر لە کۆبوونەوەکەدا سکرتێری ئەنجوومەنی پارێزگای کەرکووک ناوەکەی بۆ ئەمیندار گۆڕا و لۆگۆ و دروشمی پارێزگاکە پەسندکرا.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ