یەکەم گەشتی ئاسمانیی نێوان کەرکووک و تاران دەستپێدەکات

 

هەردی سەمەد، بەرپرسی راگەیاندنی فڕۆکەخانەی نێودەوڵەتیی کەرکووک رۆژی شەممە بە تۆڕی میدیایی رووداوی گوت: "ئەمڕۆ بۆ یەکەمجار کاژێر 02:45ـی دوای نیوەڕۆ فڕۆکەیەکی هێڵی ئاسمانیی ئێران لە فڕۆکەخانەی کەرکووک دەنیشێتەوە؛ هەروەها کاژێر 4:00ـی ئێوارە هەمان فڕۆکە گەشتیاران دەگوازێتەوە تاران".

 

گەشتەکە لە رێگەی هێڵی ئاسمانیی ماهانی ئێرانییەوە دەکرێت. هەردی سەمەد گوتی، دوای یەکەم گەشت، بە گوێرەی گەشتیاران خشتەی هەفتانەی هاتووچۆ لە نێوان کەرکووک و تاران دادەنرێت.

 

فڕۆکەخانەی کەرکووک جگە لە نێوخۆ، لەگەڵ دوو وڵاتدا گەشتی هەیە کە تورکیا و سعودییەن.

 

رۆژی 16ـی ئۆکتۆبەری 2022 بە ئامادەبوونی ناسر حوسێن، وەزیری گواستنەوە و شاندێکی حکومەتی عێراق لە رێوڕەسمێکدا دوور لە کەناڵەکانی راگەیاندن، فڕۆکەخانەی کەرکووک کرایەوە. یەکەم گەشتی نێودەوڵەتیی فڕۆکەخانەکە لە هەمان مانگدا بۆ وڵاتی تورکیا بوو.