خۆپێشاندانی فراوان لە دهۆک دژی هێرشەکانی ئێران بۆ سەر هەولێر: داوای وەستاندنی هێرشەکان دەکەین

 

نەسیبا یاسین، یەکێک لەو نیڤشکانانەیە کە بەشداریی خۆپێشاندانەکەی کردووە و دەڵێت: سەرکۆنەی هێرشەکەی سوپای پاسداران دەکەین و بە هیچ جۆرێک قبووڵی ناکەین ئێران یان هەر دەسەڵات و وڵاتێکی دیکە هێرشبکاتە سەر هەولێر یان هەر شوێنێک لە چوار پارچەی کوردستان. 

 

خۆپێشاندەران پەیامی خۆیان خوێندەوە و داوایان کرد هێرشی لەوجۆرە دووبارە نەبێتەوە. 

 

ئەسکەندەر نێروەیی، خۆپێشاندەرێکە و دەڵێت: لە ساڵی 1991ـەوە لە کوردستان ئێمە هیچ بنکەیەکی ئیسرائیلمان نەبینیوە و بوونی نییە. 24 وڵاتی عەرەبی لەگەڵ ئێران نوێنەرایەتییان لە هەرێمی کوردستان هەیە. بێ ویژدانییە بە مووشەک منداڵەکانی ئێمە بکرێتە ئامانج. 

 

کاژین ئیسماعیل، خۆپێشاندەرێکی دیکەیە و دەڵێت: من وەکو کچە کوردێکی ئێزدی هاوخەمیی خۆم، بەهۆی هێرشەکەی سەر پایتەختی هەرێمی کوردستان دەردەبڕم. ئێمە ناڕەزایەتی خۆمان رادەگەیێنین و داوا دەکەین لە هەموو دەوڵەتان دەکەین هێرشەکان رابوەستێنن. 

 

فازڵ موحسین، یەکێکی دیکەیە لە خۆپێشاندەرانی دهۆک و گوتی: "سەرکۆنەی هێرشی ئێران بۆ سەر هەرێمی کوردستان دەکەین کە هیچ رێزێک لە سەروەری هەرێمی کوردستان و عێراق ناگرێت و ئەو دووژمنکارییە جێگەی قبووڵ نییە." 

 

خۆپێشاندانەکەی دهۆک لەسەر شەقامی گشتی لە سەنتەری شاری دهۆک بەڕێوەچوو.