رووداو دیجیتاڵ
قایمقامی شاری مهاباد لەسەر کار لادرا و قایمقامی پێشووی بۆکان لە جێگەی دانرا.
بە بڕیاری پارێزگاری ورمێ، ئەمیر قادری، قایمقامی مهاباد لەسەر کار لادرا کە لە 12-01-2022ـەوە کرابووە قایمقامی ئەو شارە.
ئەمڕۆ شەممە 17-12-2022، رێوڕەسمی دەستبەکاربوونی حەسەن عەباسی وەکو قایمقامی نوێی شاری مهاباد لە باڵەخانەی قایمقامیەتی ئەو شارە بەڕێوەچوو.
حەسەن عەباسی کەسێکی نەریتخوازە و لە ساڵی 2006 تاوەکو 2014 لە کابینەی مەحموود ئەحمەدی نەژاد، قایمقامی شاری بۆکان بوو. لە هەڵبژاردنەکانی سەرۆککۆماری ساڵی 2017 و 2021 لە کەمپینی هەڵبژاردنی ئیبراهیم رەئیسیدا کاری کردووە.
مهاباد قایمقامیەتی تایبەتی هەیە و قایمقامەکەی راستەوخۆ دەبێتە جێگری پارێزگاری ورمێ.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ