عەمیدێکی پۆلیسی کەرکووک بە رووداوی هاتووچۆ گیانی لەدەستدا

 

ئەمڕۆ یەکشەممە، 17.11.2024، موقەدەم عامر شوانی، گوتەبێژی پۆلیسی پارێزگای کەرکووک بە رووداوی راگەیاند، رووداوەکە ئێوارەی ئەمڕۆ لە رێگەی کەرکووک-شوان روویداوە، ئۆتۆمبێلێکی بارهەڵگر کە مریشکی بارکردبوو، لەگەڵ ئۆتۆمبێلەکەی عەمید محەممەد گورگانی، خۆیان پێکدا دەدەن کە لە جۆری تویوتا لاندگروز بووە.

 

عەمید محەممەد گورگانی، ئەفسەری پلە باڵا بوو و لە لیژنەی چاودێری و بەدواداچوونی فەرماندەیی پۆلیسی کەرکووک دەوامی دەکرد. 

 

بە گوتەی عامر شوانی، دوای رووداوەکە عەمید محەممەد بە برینداری گەیێندراوەتە نەخۆشخانە، بەڵام بەهۆی سەختیی برینەکەی لە ژووری چاودێریی چڕ گیانی لەدەستدا.