رووداو - هەولێر
پۆلیسی پارێزگای سلێمانی رایگەیاند، بە تۆمەتی دزینی ئۆتۆمبێلی هاونیشتمانییەک، تۆمەتبارێکیان دەستگیرکردووە و دەستیشیان بەسەر ئۆتۆمبێلەکەدا گرتووە.
رۆژی هەینی، 17ـی حوزەیرانی 2022، لە راگەیێندراوێکدا بەڕێوەبەرایەتیی پۆلیسی پارێزگای سلێمانی رایگەیاند: "دوای ئەوەی هاووڵاتییەك سكاڵای لە بەشی پۆلیسی شارەزوور تۆماركرد كە ئۆتۆمبێلەكەی لە بازاڕی شارەزوور لێ دزراوە، دەستبەجێ هێزەكانی پۆلیس لێكۆڵینەوەكانی دەستپێكرد و دوای گەڕان و بەدواداچوونەكان توانرا لە سنووری ئیدارەی گەرمیان و بە كەمتر لە سێ کاژێر لەلایەن بنكەی پۆلیسی زەڕایەنەوە تۆمەتبار بدۆزرێتەوە و دەستگیربكرێت".
پۆلیسی سلێمانی ئاماژەی بەوەش کرد، کە دەستگیراوە بەسەر ئەو ئۆتۆمبێلەدا کە تۆمەتبارەکە "دزیویەتی".
بە گوێرەی راگەیێندراوەکەی پۆلیس، تۆمەتبار (د، س، ف لەدایكبووی 1987) بە بڕیاری دادوەر راگیراوە و دانی بەتاوانەكەیدا ناوە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ