رووداو دیجیتاڵ
دوو رۆژە شەپۆلێکی بەفربارین لە قەرس-ی باکووری کوردستان بەردەوامە و پلەی گەرما بۆ دوو پلە ژێر سفر دابەزیوە.
ئێوارەی رۆژی 16ی ئایاری 2024 شەپۆلێکی بەهێزی بەفربارین، پارێزگای قەرسی لە باکووری کوردستان گرتەوە. سەرەتا ناوچە شاخاوییەکانی سپیپۆش کرد و دواتریش یەکە نیشتەجێبوونەکانی دەوروبەری شاریشی گرتەوە. شەپۆلەکە تاوەکو 18ی مانگ بەردەوام دەبێت.
پێشبینی دەکرێت هەمان شەپۆلی بەفربارین و سەرما و سۆڵە، پارێزگای ئەردەخان-یش بگرێتەوە، بەتایبەتی لە ناوچە شاخاوییەکانی، کە لە مانگی رابردوو لەم ناوچەیەدا نزیکەی 18 سانتیمەتر بەفر باریبوو.
بەفر بارینەکە ئاستەنگی زۆری بۆ هاتووچۆی هاونیشتمانییان دروستکرد، بەتایبەتی هاتووچۆی بارهەڵگرەکان، بەڵام شارەوانییەکان بەر لە داخرانی رێگەکان، دەستیان بۆ پاککردنەوەی رێگەوبانەکان کرد.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ