رووداو دیجیتاڵ
بوومەلەرزەیەک بە گوڕی 2.6 پلە بە پێوەری رێختەر لە سنووری قەزای پێنجوێن لە پارێزگای سلمانی روویدا.
رۆژی هەینی، 17ـی ئاداری 2023، ئاراس جەبار، شارەزای کەشناسی بە تۆڕی میدیایی رووداوی گوت: "کاژێر 08:31ـی ئەمشەو بوومەلەرزەیەک بە گوڕی 2.6 لە قەزای پێنجوێن روویدا".
ئەو کەشناسە ئاماژەی بەوەشکرد، کە سەنتەری بوومەلەرزەکە رۆژهەڵاتی شارۆچکەی گەرمک بوو لە سنووری قەزای پێنجوێن. بوومەلەرزەکەی شەوی هەینی لەلایەن هاونیشتمانییانی سنووری قەزای پێنجوێن و دەوروبەرییەوە هەستیپێکرا.
پێنجشەممەی رابردوو کاژێر 9:32ـی شەو بوومەلەرزەیەک بە گوڕی 5.2 بە پلەی رێختەر لە پارێزگای هەڵەبجە روویدا کە ناوەندەکەی قەزای سەیدسادق بوو، هەروەها لە سلێمانی، هەولێر، کەرکووک، کەلار، پێنجوێن، خورماڵ و دووکان و چەند ناوچەیەکی دیکەیش هەستیپێکرا.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ