رووداو دیجیتاڵ
سەرۆکی هەرێمی کوردستان لەبارەی پرۆسەی ئاشتییەوە لە تورکیا و باکووری کوردستان دەڵێت، "ههميشه كارمان كردووه بۆ ئهوهى پرۆسهى ئاشتى بێته ئاراوه و كێشهكان ئاشتيانه چارهسهر بكرێن، چونكه ئهزموون سهلماندوويهتى شهڕ و چهك هيچ كێشهيهك چارهسهر ناكهن."
پێشنیوهڕۆى ئهمڕۆ دووشهممه 17-02-2025 نێچيرڤان بارزانى، سهرۆكى ههرێمى كوردستان پێشوازیى له شاندى ئيمراڵی كرد، كه بۆ راگۆڕينهوه و گفتوگۆ دهربارهى ههوڵهكانى پرۆسهى ئاشتى له توركيا، له ههرێمى كوردستانن.
بەپێی راگەیێندراوی سەرۆکایەتی؛ نێچیرڤان بارزانی، سەرۆکی هەرێمی کوردستان بە شاندەکەی گوتووە، هیوادارن "پەکەکە ستراتیژیانە لە پرۆسەکە بڕوانن و پێویستە ئەم دەرفەتە لەدەست نەدرێت."
له كۆبوونهوهكهدا، نێچيرڤان بارزانى ههموو هاوكارى و پشتگيرييهكى بۆ سهركهوتنى پرۆسهى ئاشتى له توركيا دووپات كردهوه، بەپێی راگەیێندراوی سەرۆکایەتیی هەرێمی کوردستان، "پرۆسهكهى به دهرفهتێكى گرنگ و مێژوويى له قهڵهم دا، كه پێويسته ههمووان كار بۆ سهرخستنى پرۆسهكه و برايهتيى كورد و تورك بكهن، چونكه ئاشتى بۆ ههمووان له توركيا و ناوچهكه پێويسته."
بەپێی سەرۆکایەتیی هەرێمی کوردستان، شاندى ئيمراڵى سڵاو و رێزى تايبهتى عەبدوڵڵا ئۆجەلانى به نێچيرڤان بارزانى گهياند و تیشكيان خسته سەر ههنگاوهكانى پرۆسهكه، "شاندهكه ستايش و پێزانينى بۆ ههوڵهكانى سهرۆك نێچيرڤان بارزانى له پرۆسهى پێشتر و ئێستاى ئاشتيدا دهربڕى، داواى كرد بهڕێزيان لهسهر هاوكارى و پشتگيريى خۆى بۆ سهرخستنى پرۆسهكه بهردهوام بێت."
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ