ژمارەی گیانلەدەستدان بەهۆی بوومەلەرزەکە لە باکووری کوردستان و تورکیا بۆ زیاتر لە 38 هەزار کەس بەرزبووەوە
رووداو دیجیتاڵ
لە 12ـیەمین رۆژی بوومەلەرزەکەی مەرەشی باکووری کوردستان، ئاماری گیانلەدەستدان لە 11 پارێزگای باکووری کوردستان و تورکیا گەیشتە 38 هەزار و 44 کەس.
بەگوێرەی دوایین ئامار، کە بەرەبەیانیی ئەمڕۆ هەینی 17ی شوباتی 2023 لەلایەن سەرۆکایەتیی کارەساتی لەناکاو و فریاگوزاریی تورکیا - ئافاد بڵاوکراوەتەوە، تاوەکو کاژێر 23:30 خولەکی 16ی شوبات بەهۆی بوومەلەرزەکەی مەرەش لە 10 پارێزگادا 38 هەزار و 44 کەس گیانیان لەدەستداوە و 108 هەزار و 68 کەسیش بریندارن.
بەگوێرەی ئافاد، تائێستا 216 هەزار و 347 زیانبەرکەوتووی بوومەلەرزەکەی مەڕەش گوێزراونەتەوە بۆ پارێزگاکانی دیکە، هەروەها لە دوای دوو بوومەلەرزە گەورەکەی رۆژی 6ی شوباتی 2023 کە پارێزگای مەرەش چەقی بوومەلەرزەکە بوو، تائێستا چوار هەزار و 734 پاشلەرزە لە ناوچەکەدا تۆمارکراون.